შპს  მაჯიდ ალ ფუტაიმ ჰიპერმარკეტს ჯორჯია- კარფური საქართველო აცხადებს ვაკანსიას დამწყები ხარისხის მენეჯერის(Hygiene Officer) პოზიციაზე რუსთავსა და თბილისში.

კარფური საქართველოს მიზანია იყოს ეტალონი ადამიანური რესურსების მენეჯმენტსა და სოციალური პასუხისმგებლობის სფეროებში. დასაქმების პროცესში კომპანია თანაბარ შესაძლებლობებს ანიჭებს თითოულ კანდიდატს, ყურადღებით ეპყრობა კადრების განვითარებას, ტრენინგებს და ხელს უწყობს მათ კარიერულ წინსვლას.

მაჯიდ ალ ფუტაიმ ჰიპერმარკეტს ჯორჯია– კარფური საქართველო გთავაზობთ დასაქმების უნიკალურ შესაძლებლობას დამწყები ხარისხის მენეჯერის პოზიციაზე (რუსთავი; თბილისი).

ძირითადი მოვალეობები:

რეგულარული ვიზიტები კარფურის ფილიალებში(რუსთავი; თბილისი)

სურსათის უვნებლობის მენეჯმენტის სისტემის დანერგვა და კონტროლი

HACCP საფრთხის ანალიზისა და კრიტიკული საკონტროლო წერტილების სისტემის დანერგვა და კონტროლი

მაღაზიისთვის სურსათის უვნებლობის აუდიტების ჩატარება, დაფიქსირებულ შეუსაბამობებზე მაღაზიასთან ერთად მაკორექტირებელი ქმედებების გეგმის განსაზღვრა, კონტროლი

პერსონალისთვის სურსათის უვნებლობის მოთხოვნების შესახებ ტრენინგების ჩატარება;

მაკონტროლებელი ორგანიზაციების და კონტრაქტორი კომპანიების (მაგ. დერატიზაცია-დეზინსექცია, ლაბორატორია) ვიზიტებზე დასწრება, რეკომენდაციების გათვალისწინება და მაღაზიასთან ერთად მაკორექტირებელი გეგმის დასახვა, კონტროლი

ხარისხისა და ჰიგიენის დეპარტამენტში განაწილებული მოვალეობების შესრულება

მოთხოვნები:

უმაღლესი განათლება აგრარული მეცნიერებების (მაგ. სურსათის მეცნიერების, სასურსათო პროდუქტების ტექნოლოგიის), ან მეცნიერების - (მაგ. მიკრობიოლოგიის და სხვ.) დარგებში

სურსათის უვნებლობის, ჰიგიენის ან ვეტერინარიის სფეროში მინიმუმ ერთ წლიანი გამოცდილება ჩაითვლება უპირატესობად

ქართული ენის თავისუფლად ფლობა და ინგლისური ენის კარგი დონე (წერა, კითხვა, სასაუბრო ინგლისური)

Microsoft office-ის საოფისე პროგრამებთან მუშაობის გამოცდილება

სურსათის უვნებლობის სფეროში ტრენინგი ჩაითვლება უპირატესობად

მართვის მოწმობა და მანქანის ფლობა ჩაითვლება უპირატესობად

თუ თვლით, რომ აკმაყოფლებთ აღნიშნულ მოთხოვნებს, გაქვთ სურვილი დასაქმდეთ და განვითარდეთ ჩვენს კომპანიაში, გთხოვთ გამოგვიგზავნოთ CV შემდეგ მეილზე: recruitment-geo@mafcarrefour.com. გთხოვთ Subject ველში მიუთითოთ პოზიციის დასახელება ხარისხის მენეჯერი (hygiene officer).

დაკავშირება მოხდება მხოლოდ შერჩეულ კანდიდატებთან.

თქვენი CV-ს გამოგზავნით ეთანხმებით კომპანიის მიერ თქვენი პირადი ინფორმაციის შენახვას და დამუშავებას.

გისურვებთ წარმატებას!