"Zaha Construction" წარმოადგენს York Holding Group-ში შემავალ კომპანიას, რომელიც დაფუძნებულია სამშენებლო სფეროში მრავალწლიანი გამოცდილების მქონე გუნდის მიერ. კომპანია საქმიანობს საცხოვრებელი, კომერციული, სასტუმრო, საწარმოო და ინფრასტრუქტურული მშენებლობების მიმართულებით. ზაჰა ოპერირებს "ერთი ფანჯრის პრინციპით" უზრუნველყოფს რა ყველა ტიპის სამშენებლო და ასევე კომპლექსურ მომსახურებას, დაგეგმვის, ფინანსური, საოპერაციო და აღსრულების კუთხით. რაც მთავარია, პროფესიონალი გუნდი უზრუნველყოფს სამუშაოს დროულად და ხარისხიანად ჩაბარებას.
გუნდი, რომელიც საფუძვლად უდევს კომპანიის წინსვლას, შედგება კვალიფიციური და ერთგული თანამშრომლებისგან. ზაჰა ქონსთრაქშენი (Zaha Construction) ყოველთვის მზად არის მის გუნდში მიიღოს მიზანდასახული და შრომისმოყვარე პირები, რომლებიც წვლილს შეიტანენ კომპანიის განვითარებაში.
"ზაჰა ქონსთრაქშენი" (Zaha Construction) აცხადებს ვაკანსიას პროექტების კოორდინატორის პოზიციაზე.
ფუნქცია-მოვალეობები:
** პროექტის მენეჯმენტის აქტივობების, რესურსების, ტექნიკა-აღჭურვილობისა და ინფორმაციის კოორდინაცია;
** პროექტების მიმდინარეობის, ვადების, შესასრულებელი სამუშაოების კონტროლი და მონიტორინგი;
** შესასრულებელი დავალებების გუნდის შიდა წევრებისთვის მიცემა, განაწილება და დადგენილ ვადაში შესრულების მონიტორინგი;
** კომპანიის მიმდინარე პროექტების ყოველდღიური, ყოველკვირეული და ყოველთვიური რეპორტინგის მონიტორინგი სამშენებლო, ხარისხის უზრუნველყოფისა და შრომის უსაფრთხოების ჭრილში;
** მომხმარებელთა საჭიროებებისა და მოთხოვნების შესრულების მონიტორინგი;
** რისკებისა და შესაძლებლობების ანალიზი;
** პრობლემათა და საფრთხეთა იდენტიფიცირება და მათი აღმოფხვრა გუნდის შესაბამის წევრებთან კოორდინირებით;
** შესყიდვების მართვის პროცესის ზედამხედველობა და მონიტორინგი;
** კომპანიის გაყიდვებისა და მომხმარებელთან ურთიერთობის დეპარტამენტებთან მჭიდრო კოორდინაცია და მომხმარებელთა მოთხოვნების გათვალისწინებით დავალებათა განაწილება სამშენებლო და არქიტექტურული გუნდის წარმომადგენლებისთვის;
** პროექტის პროგრესის მუდმივი ზედამხედველობა, ყოველკვირეული ვიზიტების განხორციელება სამშენებლო მოედნებზე;
** ყოველკვირეული თათბირებისა და შეხვედრების ოქმების გაწერა და დავალებათა ვადების კონტროლი, შესრულების მონიტორინგი;
** მთავარი საკონტაქტო პირის მოვალეობის შესრულება, მმართველ რგოლსა და დაქვემდებარებულ გუნდის
წევრებს შორის კოორდინაციისა და შესაბამისი კომუნიკაციის ჩამოყალიბება საჭიროებისამებრ;
** მჭიდრო მუშაობა კომპანიის მიმდინარე პროექტების პასუხისმგებელ მენეჯერებთან და სამშენებლო
მენეჯერებთან, მათ მიერ შესრულებული საქმიანობისა და პროგრესის მონიტორინგი;
** პროექტის დოკუმენტაციის, გეგმა-გრაფიკების, რეპორტების, შინაგანაწესებისა და არქიტექტურული ნახაზების დაარქივება/შენახვა.
პიროვნული კომპეტენციები/უნარები:
** აღნიშნულ ან მსგავს პოზიციაზე მინიმუმ 3 წლიანი სამუშაო გამოცდილება;
** საოფისე პროგრამების ცოდნა;
** ინგლისური ენის ცოდნა;
** პროექტის მენეჯმენტის მართვის პლატფორმასთან (Monday.com, ან მსგავსი) მუშაობის გამოცდილება ჩაითვლება უპირატესობად;
** პასუხისმგებლობის მაღალი გრძნობა;
** გუნდის მართვის უნარი;
** შეზღუდულ ვადებში მუშაობა;
** ორგანიზებულობა, დისციპლინირებულობა.
გთხოვთ დაინტერესებულმა კანდიდატებმა გადმოგზავნოთ რეზიუმე hr@zaha.ge.
გისურვებთ წარმატებას.
