მწერალთა სახლი, კონრად ადენაუერის ფონდის ხელშეწყობით აცხადებს კონკურსს ორკვირიანი სარეზიდენციო პროგრამის, „დრო, დრო აღნიშნე!“ სტიპენდიის მოსაპოვებლად.

სარეზიდენციო პროგრამის მიზანია ხელი შევუწყოთ მწერლებსა და პუბლიცისტებს, აღწერონ დღევანდელობა, ის პრობლემები და სირთულეები, რომელთა წინაშე დღეს ქართული საზოგადოება დგას და ეძიონ გზები არსებული დაპირისპირების შესამცირებლად.

კონკურსში გამარჯვებული კანდიდატები 2021 წლის 25 ოქტომბრიდან 10 დეკემბრის ჩათვლით, ორი კვირის მანძილზე იცხოვრებენ თბილისში, მწერალთა სახლის რეზიდენციაში და იმუშავებენ ტექსტებზე.

საკონკურსო განაცხადებს შეარჩევს მწერალთა სახლთან არსებული სამეთვალყურეო საბჭო კონკურსის პირობების და მოთხოვნების გათვალისწინებით.

კონკურსის საფუძველზე შეირჩევა 5 აპლიკანტი. სარეზიდენციო პროგრამა გულისხმობს:

• მწერალთა რეზიდენციაში ცხოვრებას;

• კვებას;

• სტიპენდიას (1000 ლარი თითოეულ მონაწილეზე გაიცემა პროგრამის დასრულების შემდგომ).

კონკურსში მონაწილეობა შეუძლიათ მწერლებს, მთარგმნელებს და პუბლიცისტებს. კონკურსანტებმა პროგრამის განმავლობაში უნდა დაწერონ 2000-4000 სიტყვიანი სტატია შემდეგ საკითხებზე:

• საქართველო მოდერნიზმსა და ტრადიციულ ღირებულებებს შორის;

• მართლმადიდებლობა და დღევანდელი ქართული სახელმწიფო;

• ქალთა უფლებები;

• ჰომოფობია, როგორც საფრთხე მშვიდობიანი თანაცხოვრებისთვის;

• სასიცოცხლო გარემო და ეკოლოგია;

• ქართული ენა და მისი მომავალი;

• ეროვნული უმცირესობების ინტეგრაცია.

სტატიები გამოქვეყნდება ჟურნალ „არილის“ ვებგვერდზე http://arilimag.ge/

მოთხოვნილი დოკუმენტაცია:

მოკლე ბიოგრაფია / CV;

განაცხადის ფორმა;

სტატიის იდეა (200-300 სიტყვა).

კანდიდატებმა ელექტრონული განაცხადის ფორმა და საბუთები/დოკუმენტაცია უნდა გადმოაგზავნონ ელექტრონულ ფოსტაზე: residency@writershouse.ge

გთხოვთ, საბუთები მოგვაწოდოთ ცალ-ცალკე დოკუმენტებად (.doc, .docx ან .pdf ფორმატში). ყველა დოკუმენტს დაარქვით შესაბამისი სახელი, სათაურში მიუთითეთ ,,სარეზიდენციო პროგრამა“.

განაცხადების მიღების ბოლო ვადაა 2021 წლის 15 ოქტომბერი.

კონკურსის შედეგები გეცნობებათ ელექტრონული ფოსტის საშუალებით არაუგვიანეს 2021 წლის 20 ოქტომბრისა.

გისურვებთ წარმატებას!

ფონდი "საერთაშორისო საგანმანათლებლო პროგრამები" აცხადებს სამეცნიერო პროექტების მიღებას მეცნიერების ყველა დარგში (საბუნებისმეტყველო,
სოციალური, ჰუმანიტარული, გამოყენებითი მეცნიერებანი, ინჟინერია, საინფორმაციო ტექნოლოგიები, მედიცინა) ევროკავშირის ახალგაზრდა მეცნიერთა კონკურსზე წარსადგენად.

კონკურსში მონაწილეობის უფლება აქვთ მხოლოდ 14-იდან 20 წლამდე ახალგაზრდებს.

მსურველებმა უნდა გამოაგზავნონ სამეცნიერო ნაშრომის მოკლე/ძირითადი შინაარსი (აბსტრაქტი) ქართულ ენაზე თავისუფალი ფორმით.

მომდევნო ეტაპზე ჩატარდება დასწრებული ტური, სადაც პროექტების ავტორებმა უნდა წარადგინონ საკუთარი ნაშრომები მოწვეული სამეცნიერო ჟიურის წინაშე.

დასწრებულ ტურში გამარჯვებული პროექტები ნომინირებული იქნება ევროკავშირის ახალგაზრდა მეცნიერთა კონკურსში მონაწილეობის მისაღებად, რომელიც 2022 წელს სექტემბერში დანიაში ჩატარდება.
ევროკონკურსში მონაწილეობასთან დაკავშირებულ ყველა ხარჯს აანაზღაურებს ევროკომისია.

პრიორიტეტი მიენიჭება ორიგინალურ, გამოყენებად და ინოვაციურ პროექტებს. აბსტრაქტების გამოგზავნა შესაძლებელია ელ. მისამართზე: eucontest24@gmail.com 2022 წლის 8 აპრილის ჩათვლით.

წითელი ჯვრის საერთაშორისო კომიტეტის დელეგაცია საქართველოში მოხარულია გამოაცხადოს სტუდენტთა ესეების კონკურსი საერთაშორისო ჰუმანიტარულ სამართალში.

კონკურსის მიზანია საერთაშორისო ჰუმანიტარული სამართლის თანამედროვე გამოწვევების შესახებ სტუდენტთა დაინტერესება, ცნობიერების ამაღლება, ანალიტიკური აზროვნებისა და სამეცნიერო კვლევის წახალისება. კონკურსში მონაწილეობის მიღება შეუძლია აკრედიტაციის მქონე უმაღლესი საგანმანათლებლო დაწესებულების სამართლის, საერთაშორისო სამართლის ან საერთაშორისო ურთიერთობების ბაკალავრიატის ან მაგისტრატურის საფეხურის ნებისმიერ სტუდენტს.

სტუდენტს უფლება აქვს თავად შეარჩიოს ნაშრომის სათაური, რომელიც უნდა შეესაბამებოდეს ქვემოთ ჩამოთვლილი შვიდი თემატური საკითხიდან ერთ-ერთს:

** ავტონომიური იარაღის რეგულირების საკითხი საერთაშორისო ჰუმანიტარული სამართლის ჭრილში
** შეიარაღებული კონფლიქტის მხარეთა ვალდებულებები უგზო-უკვლოდ დაკარგულ პირებთან მიმართებით
** "დამიზნებით მკვლელობის" (targeted killing) კანონიერების საკითხი საერთაშორისო ჰუმანიტარული სამართლის ჭრილში
** არის თუ არა ბირთვული იარაღის აკრძალვის შესახებ კონვენცია (TPNW) ეფექტიანი მექანიზმი კატასტროფული ჰუმანიტარული შედეგების აღმოსაფხვრელად?
** რამდენად ადეკვატურად არეგულირებს საერთაშორისო ჰუმანიტარული სამართალი ე.წ. კიბერ ომს (cyberwarfare)?
** თანამედროვე ჰუმანიტარული სამართლის ურთიერთმიმართება "პარტიზანულ ომთან" (guerilla warfare)
** ურბანული ომის რეგულირების საკითხი საერთაშორისო ჰუმანიტარული სამართლის ჭრილში
** ნაშრომებს შეაფასებს ჰუმანიტარული სამართლის სამი ექსპერტისგან შემდგარი ჟიური. ნაშრომების შეფასების დროს ყურადღება მიექცევა ნაშრომში განხილული საკითხების აქტუალურობასა და სიახლეს, სამართლებრივ არგუმენტაციას, კვლევისა და აკადემიური წერის ხარისხს.
** ნაშრომი წარმოდგენილი უნდა იყოს ქართულ ენაზე.
** ნაშრომი უნდა შეესაბამებოდეს სტუდენტის საგანმანათლებლო დაწესებულების მიერ შემუშავებულ აკადემიური წერის სტანდარტს. ნაშრომის ავტორის მიერ დაცული უნდა იყოს ციტირების ერთიანი სტილი.
** ნაშრომის საორიენტაციო მოცულობა უნდა იყოს 1400-დან 2300 სიტყვამდე (სქოლიოს ჩათვლით); შრიფტი - Sylfaen; შრიფტის ზომა - 11; ინტერვალი - 1, 15.
** ნაშრომის ავტორმა თავფურცელზე უნდა მიუთითოს სახელი, გვარი, უნივერსიტეტის დასახელება, ფაკულტეტი, კურსი. ასევე ნაშრომის დასაწყისში ავტორმა უნდა გააკეთოს ჩანაწერი, რომ ნაშრომი დაწერილია მის მიერ და ადგილი არ აქვს პლაგიატს.

პრიზები:

I ადგილი: კომპიუტერული ტექნიკის მაღაზიის 2000 ლარიანი ვაუჩერი და საერთაშორისო ჰუმანიტარული სამართლის შესახებ ლიტერატურა
II ადგილი: კომპიუტერული ტექნიკის მაღაზიის 1500 ლარიანი ვაუჩერი და საერთაშორისო ჰუმანიტარული სამართლის შესახებ ლიტერატურა
III ადგილი: კომპიუტერული ტექნიკის მაღაზიის 500 ლარიანი ვაუჩერი და საერთაშორისო ჰუმანიტარული სამართლის შესახებ ლიტერატურა
დამატებითი პრიზები (ლიტერატურა) გადაეცემა კონკურსის იმ მონაწილეებს, რომელთა ნაშრომებიც დაიმსახურებს ჟიურის განსაკუთრებულ მოწონებას.

ესეების გამოგზავნის ბოლო ვადაა 2021 წლის 15 ნოემბერი.

ესეები უნდა გამოიგზავნოს შემდეგ ელექტრონულ მისამართზე: tbilisi@icrc.org და სათაურში აუცილებლად უნდა მიეთითოს: ესეების კონკურსი საერთაშორისო ჰუმანიტარულ სამართალში.

"ილიას სახელმწიფო უნივერსიტეტის" სამართლის სკოლა აცხადებს სტუდენტთა შესარჩევ ეროვნულ კონკურსს საქართველოს ეროვნული ნაკრების დასაკომპლექტებლად, რომელიც მონაწილეობას მიიღებს ჰუგო ზინსჰაიმერის იმიტირებული სასამართლო პროცესის რიგით მეექვსე საერთაშორისო შეჯიბრში (19-21 ივნისი, 2022).

შეჯიბრის შესახებ:

ევროპის კავშირის შრომის სამართალში ჰუგო ზინსჰაიმერის იმიტირებული სასამართლო პროცესების ყოველწლიური შეჯიბრი დაარსდა ევროპის სხვადასხვა უნივერსიტეტის წარმომადგენელი, სამართლის ხუთი პროფესორის, მათ შორის ქართველი პროფესორის, ინიციატივით. იმიტირებული სასამართლო პროცესის ფარგლებში სტუდენტური გუნდები სხვადასხვა ქვეყნიდან ეჯიბრებიან ერთმანეთს ევროპული კავშირის შრომის სამართლის აქტუალურ საკითხზე შედგენილ სიმულაციურ საქმესთან დაკავშირებით. შეჯიბრს განსჯიან ევროპის მასშტაბით წამყვანი შრომის სამართლის პროფესორები, პრაქტიკოსი ადვოკატები და მოქმედი მოსამართლეები, წევრი სახელმწიფოებიდან და ევროპის მართლმსაჯულების სასამართლოდან. დეტ. იხ. https://aias-hsi.uva.nl/en/hs-mcc/hs-mcc.html; https://www.facebook.com/hugosinzheimermcc/

საქართველო არის ევროკავშირის ერთადერთი არაწევრი ქვეყანა, რომლის ეროვნული ნაკრებიც დაშვებულია აღნიშნულ შეჯიბრზე. აღსანიშნავია, რომ საქართველოს გუნდი გახდა კასინოს უნივერსიტეტში (იტალია) ჩატარებული 2018 წლის შეჯიბრის გამარჯვებული, ხოლო საქართველოს გუნდის წარმომადგენელი გახდა ჰასელტისუნივერსიტეტში (ბელგია) ჩატარებული 2019 წლის შეჯიბრის საუკეთესო სპიკერი. მე-5 საიუბილეო შეჯიბრს უმასპინძლა ილიას სახელმწიფო უნივერსიტეტის სამართლის სკოლამ რიგით მე-6 შეჯიბრს მასპინძლობს ლისაბონი (ლისაბონის უნივერსიტეტი, სამართლის ფაკულტეტი), თუმცა, ახალი კორონავირუსის COVID-19-ის გავრცელებასთან დაკავშირებით ევროპაში მგზავრობასა თუ შეკრებასთან მიმართებით იმ დროისთვის მოქმედი შესაძლო შეზღუდვებიდან გამომდინარე შეჯიბრი შესაძლოა ჩატარდეს დისტანციურად, ონლაინ პლატფორმის გამოყენებით.

2022 წლის შეჯიბრის სიმულაციური საქმის თემატიკაა თანაბარი ანაზღაურება, სექსუალური ხასიათის შევიწროება და საწარმოთა გადაცემა.

მონაწილეობის წინაპირობები:

** სტუდენტთა შესარჩევ ეროვნულ კონკურსში მონაწილეობა შეუძლიათ საქართველოში არსებულ აკრედიტებულ უმაღლესი განათლების დაწესებულებათა სამართლის სკოლების მაგისტრატურის სტუდენტებს, ასევე ბაკალავრიატის დამამთავრებელი კურსის სტუდენტებს. ** როგორც ეროვნული, ასევე საერთაშორისო კონკურსში მონაწილეობის პირობაა, რომ სტუდენტი არ უნდა იყოს საქართველოს ადვოკატთა ასოციაციის წევრი.

დაინტერესებულმა სტუდენტმა არაუგვიანეს 2022 წლის 20 იანვრისა ელექტრონული ფოსტით მისამართზე lawfaculty@iliauni.edu.ge, უნდა გამოაგზავნოს საკუთარი რეზიუმე და სამოტივაციო წერილი ინგლისურ ენაზე.

სტუდენტთა ინდივიდუალური შესარჩევი კონკურსი მოიცავს შემდეგ ეტაპებს:

** წარმოდგენილი რეზიუმესა (CV) და სამოტივაციო წერილის შეფასება;
** ჰუგო ზინსჰაიმერის იმიტირებული სასამართლო პროცესის საერთაშორისო შეჯიბრებისა და ზოგადად, ევროპის კავშირის შრომის სამართლის შესახებ ტრენინგი შესარჩევი კონკურსის გასაუბრების ეტაპზე გადასული სტუდენტებისთვის (საჭიროებიდან გამომდინარე);
** შემდგომ ეტაპზე გადასულ სტუდენტთან ინდივიდუალური გასაუბრება;
** გასაუბრების საფუძველზე ეროვნული კონკურსის ფინალურ ეტაპზე მონაწილეობისათვის 8 სტუდენტის შერჩევა;

გასაუბრება ჩატარდება მხოლოდ იმ სტუდენტებთან, რომლებიც წარმოდგენილი რეზიუმესა (CV) და სამოტივაციო წერილის შედეგად წარმატებით გაივლიან შერჩევის პირველ ეტაპს.

ფინალურ ეტაპზე გადასულ 8 სტუდენტს შორის მოსამზადებელი იმიტირებული სასამართლო პროცესის შეჯიბრი ევროპული კავშირის შრომის სამართალში;

მოსამზადებელი იმიტირებული სასამართლო პროცესის შეჯიბრის შედეგად ინდივიდუალურ საწყისებზე შეფასებული საუკეთესო 4 სტუდენტით საქართველოს ეროვნული ნაკრების დაკომპლექტება.

კონკურსი აკადემიური თანამდებობების დასაკავებლად

თბილისის თავისუფალი აკადემია აცხადებს ღია კონკურსს სამართლის საბაკალავრო საგანმანათლებლო პროგრამაზე. აკადემიური პერსონალის - პროფესორის, ასოცირებული პროფესორის, ასისტენტ - პროფესორის და ასისტენტის ვაკანტური აკადემიური თანამდებობების დასაკავებლად:

კონკურსი ცხადდება შემდეგ აკადემიურ თანამდებობებზე:

საჯარო სამართალის მიმართულებით:

• პროფესორი - 5;
• ასოცირებული პროფესორი - 7;
• ასისტენტ-პროფესორი - 5;
• ასისტენტი - 3.

კერძო სამართალის მიმართულებით:

• პროფესორი - 5;
• ასოცირებული პროფესორი - 7;
• ასისტენტ-პროფესორი - 5;
• ასისტენტი - 3.

სისხლის სამართალის მიმართულებით:

• პროფესორი - 5;
• ასოცირებული პროფესორი - 7;
• ასისტენტ-პროფესორი - 5;
• ასისტენტი - 3.

სამართლის საფუძვლების და მეთოდების მიმართულებით:

• პროფესორი - 5;
• ასოცირებული პროფესორი - 7;
• ასისტენტ-პროფესორი - 5;
• ასისტენტი - 3.

ძირითადი და დამატებითი მოთხოვნები:

პროფესორის აკადემიური თანამდებობის დასაკავებლად(აკადემიური ნიშნით):

•  დოქტორი ან მასთან გათანაბრებული აკადემიური ხარისხი.
•  სამეცნიერო - პედაგოგიური მუშაობის არანაკლებ 6 წლის გამოცდილება.
• : კვლევითი უნარები; პედაგოგიური უნარები; საკომუნიკაციო უნარები.

დამატებითი მოთხოვნები: უცხო ენის ცოდნა (სასურველია).

ასოცირებული პროფესორის აკადემიური თანამდებობის დასაკავებლად (აკადემიური ნიშნით):

• დოქტორი ან მასთან გათანაბრებული აკადემიური ხარისხი.
• სამეცნიერო-პედაგოგიური მუშაობის არანაკლებ 3 წლის გამოცდილება.
• : კვლევითი უნარები; პედაგოგიური უნარები; საკომუნიკაციო უნარები.

დამატებითი მოთხოვნები: უცხო ენის ცოდნა (სასურველია).

ასისტენტ - პროფესორის აკადემიური თანამდებობის დასაკავებლად (აკადემიური ნიშნით):

• დოქტორის ან მასთან გათანაბრებული აკადემიური ხარისხის მქონე პირი.
• : კვლევითი უნარები; პედაგოგიური უნარები; საკომუნიკაციო უნარები.

დამატებითი მოთხოვნები: უცხო ენის ცოდნა (სასურველია).

ასისტენტის აკადემიური თანამდებობის დასაკავებლად (აკადემიური ნიშნით):

• დოქტორანტი.
• : კვლევითი უნარები; პედაგოგიური უნარები; საკომუნიკაციო უნარები.

დამატებითი მოთხოვნები: უცხო ენის ცოდნა (სასურველია).

პროფესორის/ასოცირებული პროფესორის/ასისტენტ - პროფესორის და ასისტენტის  თანამდებობაზე არჩევა ხდება 4 წლის ვადით.

კომისია წარმოდგენილ დოკუმენტაციას აფასებს შემდეგი კრიტერიუმებით, კონკურსანტის კვალიფიკაციის შესაბამისობას მის მიერ არჩეულ მიმართულებასთან.

• კონკურსანტის კვალიფიკაციის შესაბამისობა მის მიერ არჩეულ მიმართულებასთან;
• სამეცნიერო - პედაგოგიური მუშაობის გამოცდილება და სტაჟი;
• ბოლო 5 წლის განმავლობაში გამოქვეყნებული სამეცნიერო პუბლიკაციების (მონოგრაფიები, სახელმძღვანელოები, სტატიები) რაოდენობა,  შესრულების დონე ან/და დამსახურებული შეფასებები, რეცენზირება,  რედაქტორობა, საავტორო გამოგონებები;
• სამეცნიერო კონფერენციებში, საგრანტო პროგრამებსა და საერთაშორისო ტრენინგებში მონაწილეობა;
• საერთაშორისო სამეცნიერო წოდებები;
• საკონკურსოდ წარმოდგენილი სასწავლო კურსის სილაბუსი;
• უცხო ენის ცოდნის დონე;
• კომპიუტერული ტექნოლოგიების ცოდნის დონე.

წარმოსადგენი დოკუმენტაცია:

• განცხადება საკონკურსო კომისიის სახელზე;
• კონკურსანტის CV;
• შესაბამისი აკადემიური ხარისხის დამადასტურებელი დოკუმენტაციის ასლები. ასევე უმაღლესი განათლების დამადასტურებელი დიპლომის ასლები;
• სამეცნიერო შრომების ჩამონათვალი (ბოლო 5  წლის განმავლობაში, წლების მითითებით);
• შესაბამის სფეროში სამეცნიერო - პედაგოგიური მუშაობის დამადასტურებელი დოკუმენტი;
• ელექტრონული და ნაბეჭდი ფორმით მის მიერ არჩეული სასწავლო კურსის სილაბუსი (სილაბუსები);
• პირადობის მოწმობის ასლი;
• 2 ცალი ფოტო - სურათი 3X4-ზე, ელექტრონულად CD დისკზე;
• ბოლო პუბლიკაციის, ნაშრომის, წიგნის, მონოგრაფიის ეგზემპლარები ან ასლები;
• სხვა ინფორმაცია.

კონკურსის ჩატარების  ვადა:

• კონკურსი გამოცხადდეს 2021 წლის 15 ნოემბრიდან;
• აკადემიური თანამდებობის დაკავების მსურველთა საბუთების მიღება იწარმოებს 2021 წლის 15 დეკემბრიდან  24 დეკემბრის  ჩათვლით;
• კონკურსის პირველი ეტაპი (საბუთების გადარჩევა)  -  2021 წლის 27 დეკემბერს;
• კონკურსის მეორე ეტაპი (საკონკურსო კომისიასთან გასაუბრება) - 2021 წლის 29 დეკემბერს  (კონკურსანტებს გასაუბრების დრო ეცნობებათ განცხადებაში მითითებულ ელექტრონულ ფოსტაზე);
• კონკურსის შედეგები გამოცხადდება 2021 წლის 30 დეკემბერს.

საკონტაქტო რეკვიზიტები:

ქ. თბილისი, ჯურხა ნადირაძის ქ. N46.  ტელ: 2 36 91 60

info@freeacademy.edu.ge;    tea.tulashvili@freeacademy.edu.ge

ა(ა)იპ "პროფესიული უნარების სააგენტო" აცხადებს კონკურსს სააგენტოსა და გაეროს განვითარების პროგრამას (UNDP) შორის ხელმოწერილი სტანდარტული შეთანხმების წერილით გათვალისწინებული პროექტის "საქართველოს სოფლის მეურნეობასთან დაკავშირებული პროფესიული განათლების მოდერნიზაცია, ფაზა 2"- ფარგლებში ინტეგრირებული ზოგადი მოდულების - "საზოგადოებრივი მეცნიერებები" და "მათემატიკური წიგნიერება" - პროფესიული სტუდენტის სახელმძღვანელოების ავტორთა შერჩევის მიზნით.

პროექტის მნიშვნელოვანი კომპონენტია ზოგადი განათლების საშუალო საფეხურის სწავლის შედეგების ინტეგრირება პროფესიულ განათლებაში (კვალიფიკაციების ჩარჩოს მე-4 დონე), რაც ხელს შეუწყობს ე.წ. "საგანმანათლებლო ჩიხის" აღმოფხვრასა და მთელი ცხოვრების მანძილზე სწავლის პრინციპის რეალიზებას.

ინტეგრირებული მოდულის "საზოგადოებრივი მეცნიერებები" სახელმძღვანელოს ავტორთა შერჩევისთვის კონკურსი ცხადდება სამი საგნობრივი მიმართულებით:

** ისტორია
** სამოქალაქო განათლება
** საზოგადოებრივი გეოგრაფია

სახელმძღვანელოს ავტორთა საკვალიფიკაციო მოთხოვნები:

** ისტორიის/ სამოქალაქო განათლების/ გეოგრაფიის მაგისტრის ხარისხი;
** ისტორიის/ სამოქალაქო განათლების/გეოგრაფიის მიმართულებით სწავლების ხუთწლიანი გამოცდილება;
** ისტორიის/სამოქალაქო განათლების/ გეოგრაფიის საგანმანათლებლო პროგრამების, სასწავლო რესურსების ან/და სახელმძღვანელოების შემუშავების გამოცდილება.
ინტეგრირებული მოდულის "მათემატიკური წიგნიერება" სახელმძღვანელოს ავტორთა საკვალიფიკაციო მოთხოვნები:
** მაგისტრის ხარისხი მათემატიკაში ან სხვა მომიჯნავე მიმართულებით;
** მათემატიკის მიმართულებით სწავლების ხუთწლიანი გამოცდილება;
** მათემატიკის საგანმანათლებლო პროგრამების, სასწავლო რესურსების ან/და სახელმძღვანელოების შემუშავების გამოცდილება.

განაცხადის მისაღებად, კანდიდატებმა უნდა წარმოადგინონ:

1. რეზიუმე - კვალიფიკაციისა და სამუშაო გამოცდილების დეტალური ჩამონათვალით.
2. თანდართული დოკუმენტების გათვალისწინებით რამდენიმე გვერდიანი ხედვა სახელმძღვანელოს კონცეფციაზე (არაუმეტეს 500 სიტყვისა).
სახელმძღვანელოების ავტორთა შერჩევის მიზნით გამოცხადებული კონკურსის ეტაპებია:
1. წარმოდგენილი დოკუმენტაციის შესწავლა და გადარჩევა შესაბამისი საკვალიფიკაციო მოთხოვნების გათვალისწინებით;
2. საკონკურსო კომისიასთან გასაუბრება.

კონკურსში მონაწილეობისთვის კანდიდატმა რეზიუმე და არაუმეტეს 500 სიტყვისა ხედვა სახელმძღვანელოს კონცეფციაზე უნდა წარმოადგინოს ელექტრონულ ფოსტაზე - HR@geoskills.ge 2022 წლის 15 თებერვლის ჩათვლით. გთხოვთ, ელფოსტის სათაურში მიუთითოთ, რომელი მოდულის სახელმძღვანელოს საგნობრივი მიმართულების ავტორთა კონკურსში გსურთ მონაწილეობა, წინააღმდეგ შემთხვევაში, თქვენი კანდიდატურა არ განიხილება.

კონკურსის პირველ ეტაპზე შერჩეულ კანდიდატებთან დაკავშირება მოხდება ეტაპობრივად კონკურსის ვადის ამოწურვამდე. საბოლოო გადაწყვეტილება მათ ეცნობებათ კონკურსის ვადის ამოწურვიდან არაუგვიანეს ორი კვირისა.

გთხოვთ, გაცნობის მიზნით იხილოთ თანდართული ფაილი!

გამოცხადდა „თბილისი - წიგნის მსოფლიო დედაქალაქის“, ილიას სახელმწიფო უნივერსიტეტისა და გამომცემლობა „პალიტრა L-ის“,  ერთობლივი ლიტერატურული კონკურსი საქართველოში აკრედიტებული უმაღლესი ან/და პროფესიული სასწავლებლების მოქმედი სტუდენტებისთვის.

კონკურსში მონაწილეობისთვის, საბაკალავრო და სამაგისტრო საფეხურის საქართველოში ავტორიზებული უმაღლესი ან/და პროფესიული სასწავლელების სტუდენტებმა, მისამართზე  wbclit2021@gmail.com , უნდა გამოაგზავნონ სასწავლებლის მიერ გაცემული სტუდენტის მოქმედი სტატუსის დამადასტურებელი ცნობა და მხატვრული მოთხრობა, არანაკლებ, ორი და, არაუმეტეს, ხუთი გვერდისა (12-იანი შრიფტით). განაცხადების მიღება 6 ოქტომბერს დასრულდება, რის შემდეგაც, სპეციალურად შერჩეული ჟიური, ნაწარმოებების შეფასებას შეუდგება.

ოქტომბრის ბოლოს, გამარჯვებული 15 სტუდენტი, ხუთ ტუტორთან ერთად, საქართველოს ერთ-ერთ რეგიონში გაემგზავრება, სადაც, ხუთი დღის განმავლობაში, მხატვრული წერის, რედაქტირების, დაკაბადონებისა და წიგნის გამოცემასთან დაკავშირებულ სხვადასხვა თემაზე, ლექციები ჩაუტარდებათ.

კურსის დასრულების შემდეგ, პროექტის მონაწილე სტუდენტებმა, ორი კვირის განმავლობაში, ახალი მოთხრობა უნდა დაწერონ. ყველა მოთხრობას ერთ კრებულად გამომცემლობა, „პალიტრა L“ გამოსცემს, ხოლო, 19 ნოემბერს, სამი საუკეთესო მოთხრობის ავტორს, გადაეცემა ფულადი ჯილდო (პირველადგილოსანს - 1000, ხოლო მეორე და მესამე ადგილზე გასულებს - 800 და 500 ლარი). ასევე, ილიას სახელმწიფო უნივერსიტეტი და საქართველოს ბანკის სტუდენტური ბარათი, საკუთარ რჩეულებს დაასახელებენ.

GCSD აცხადებს საგრანტო კონკურსს, რომლის ზოგადი მიზანია, საქართველოში ყველა ფორმის ძალადობრივ ექსტრემიზმთან და რადიკალიზაციასთან გამკლავება. გრანტის მაქსიმალური ოდენობა  100,000 ლარს შეადგენს. 

კონკურსში მონაწილეობის მიღება შეუძლიათ საქართველოში რეგისტრირებულ არასამეწარმეო (არაკომერციულ) იურიდიულ პირებს, რომლებსაც აქვთ მინიმუმ ერთწლიანი მუშაობის გამოცდილება. ასევე, არასამეწარმეო (არაკომერციულ) მედია ორგანიზაციებს და აკრედიტებულ უმაღლეს საგანმანათლებლო დაწესებულებებს.   

განაცხადის შემოტანის ბოლო ვადაა: 29 ოქტომბერი, 2021 წელი  (18:00 საათამდე).

საგრანტო კონკურსის შესახებ დეტალური ინფორმაციის მისაღებად, GCSD-ი გამართავს ონლაინ საკონსულტაციო შეხვედრას: სამშაბათს, 19 ოქტომბერს, 13:00 საათზე, Zoom-ის ონლაინ პლატფორმის საშუალებით. რეგისტრაციისთვის, გთხოვთ, მოგვმართოთ შემდეგ ელ. ფოსტაზე - gcsd@gcsd.org.ge.

გთხოვთ, სათაურის ველში მიუთითოთ:  განაცხადების მოთხოვნის ფორმა # 21-002.

დაგვიანებული ან არასრულად წარმოდგენილი განაცხადები არ განიხილება. მეტი ინფორმაციისთვის, გთხოვთ, იხილოთ ქვემოთ მიმაგრებული დოკუმენტები.

საქართველოს სტრატეგიის და განვითარების ცენტრი (GCSD), ნორვეგიის საგარეო საქმეთა სამინისტროს ფინანსური მხარდაჭერით, 2020 წლიდან ახორციელებს ოთხწლიან პროგრამას - ‘‘ძალადობრივი ექსტრემიზმისა და რადიკალიზაციის პრევენციისთვის საქართველოს შესაძლებლობების გაძლიერება’’.

ყველაზე მედიაწიგნიერი ახალგაზრდის გამოსავლენად კონკურსი 12 ოქტომბრამდე გრძელდება.

"მედიის განვითარების ფონდი" (MDF) აცხადებს კონკურსს 2021 წლის ყველაზე მედიაწიგნიერი ახალგაზრდის გამოსავლენად!

კონკურსის მიზანია ახალგაზრდებში კრიტიკული აზროვნების განვითარება და გაცნობიერებული მედიამოხმარების ხელშეწყობა. წლევანდელი გამარჯვებული ბლოგებისა და ვლოგების კონკურსის მეშვეობით გამოვლინდება.

თუ გინდა მოიპოვო 2021 წლის ყველაზე მედიაწიგნიერი ახალგაზრდის ტიტული და ხარ 17-დან 25 წლამდე:

მოამზადე ბლოგი ან ვლოგი (ვიდეო ბლოგი) ქვემოთ ჩამოთვლილიდან ერთ-ერთ თემაზე:

** როგორ გავარღვიო საინფორმაციო ბუშტი, ვიპოვო სანდო მედია და გადავამოწმო ინფორმაცია?
** ვინ დგას საზიანო ინფორმაციის უკან - ვინ ადგენს მედიის დღის წესრიგს?
** ჰიბრიდული ომი და უცხო ქვეყნის ინფორმაციული ოპერაციები;
** კრიტიკული აზროვნება ქართულ ან მსოფლიო კლასიკურ ლიტერატურაში.

კონკურსანტებს სპეციალური ჟიური შემდეგი კრიტერიუმების მიხედვით შეაფასებს:

** თემის ცოდნა
** პრობლემის საილუსტრაციოდ მოყვანილი მაგალითების რელევანტურობა
** შემოქმედებითობა და ბლოგის შემთხვევაში წერის სტილი

კონკურსი საუკეთესო შედეგის მქონე 3 გამარჯვებულს გამოავლენს:

** საუკეთესო შეფასების მქონე მონაწილე 2021 წლის ყველაზე მედიაწიგნიერი ახალგაზრდის ჯილდოს და "მითების დეტექტორის" რედაქციაში ერთთვიან ანაზღაურებად სტაჟირებას გაივლის;
** მე-2 ადგილზე გასული კი - on.ge-ს რედაქციაში.
** მე-3 ადგილზე გასული საჩუქრად წიგნების ვაუჩერს მიიღებს.

კონკურსის ფარგლებში მიიღება:

** 2021 წელს გამოქვეყნებული ან გამოუქვეყნებელი ბლოგები
** 2021 წელს გამოქვეყნებული ან გამოუქვეყნებელი ვლოგები

ფორმატები:

ბლოგები: უნდა გამოქვეყნდეს ავტორის ბლოგზე ან Facebook Note-ის სახით და ბმული გამოგვიგზავნოთ ელ-ფოსტით. ასევე შესაძლებელია, ვორდის ფაილის სახით გამოგზავნა ელ. ფოსტით

ვლოგები:

** ხანგრძლივობა: 10-15 წუთი
** უნდა გამოქვეყნდეს ავტორის Facebook ვიდეოს, Instagram reel-ების ან TikTok-ის სერიების სახით და ბმული გამოგვიგზავნოთ ელ-ფოსტით. ასევე შესაძლებელია, ვიდეოს mp4 ფორმატის ფაილის გამოგზავნა ელ. ფოსტით.

ნამუშევრების წარდგენის ბოლო ვადაა 2021 წლის 12 ოქტომბერი, MDF-ის ოფიციალურ ელ.ფოსტაზე: info@mdfgeorgia.ge. წერილის საგანში მიუთითე "ყველაზე მედიაწიგნიერი ახალგაზრდა 2021".

კონკურსის გამარჯვებულების დაჯილდოება UNESCO-ს მედია და ინფორმაციული წიგნიერების გლობალური კვირეულის ფარგლებში 24-31 ოქტომბრამდე მოხდება. დაჯილდოების ცერემონიალის გამართვა დამოკიდებულია კოვიდ ვითარებაზე და ინფორმაცია ღონისძიების გამართვის შესახებ გამარჯვებულებს დამატებით ეცოდინებათ.

გამარჯვებულთა მასალები მედიის განვითარების ფონდის ვებგვერდებსა და სოციალურ პლატფორმებზე განთავსდება.

გარემოსდაცვითი ინფორმაციისა და განათლების ცენტრი ზოგადსაგანმანათლებლო დაწესებულებებისთვის აცხადებს საგრანტო კონკურსს – ,,ისწავლე უსაფრთხო გარემოში“.

კონკურსის მიზანია ადგილობრივ დონეზე კლიმატის ცვლილებით გამოწვეული ბუნებრივი საფრთხეების ზემოქმედების შემცირების ხელშეწყობა, ბუნებრივი საფრთხით გამოწვეული კატასტროფების შესახებ ცოდნისა და ცნობიერების ამაღლება და თემის მედეგობის გაძლიერება დაინტერესებული მხარეების მაქსიმალური ჩართულობით. კონკურსი ტარდება პროგრამის ფარგლებში – ,,კლიმატის ცვლილებით გამოწვეული კატასტროფის რისკის შემცირება საქართველოში“, რომელიც ამ ეტაპზე ხორციელდება 10 მოწყვლად მუნიციპალიტეტში.

კონკურსის წესები

* კონკურსში მონაწილეობა შეუძლია პროგრამის 10 სამიზნე მუნიციპალიტეტში არსებულ (გორი, თელავი, ლაგოდეხი, ახმეტა, სიღნაღი, სამტრედია, აბაშა, ხობი, სენაკი, ქობულეთი) სკოლას. წარმოდგენილი პროექტი დაკავშირებული უნდა იყოს პროგრამით გათვალისწინებული 7 ბუნებრივი საფრთხიდან (წყალდიდობა, სეტყვა, ღვარცოფი, მეწყერი, გვალვა, ძლიერი ქარი, ზვავი) ერთ-ერთთან, რომელიც გამოწვევას წარმოადგენს როგორც მუნიციპალიტეტისათვის, ისე თემისთვის.

* კონკურსის ფარგლებში მონაწილე ზოგადასაგანმანათლებლო დაწესებულებამ უნდა წარმოადგინოს საპროექტო წინადადება, რომლის განხორციელების შედეგადაც უზრუნველყოფს სკოლის მედეგობის გაძლიერებას ბუნებრივი საფრთხეებით გამოწვეულ კატასტროფებთან მიმართებით და უნდა უზრუნველყოფდეს ადგილობრივი თემის ჩართულობას.

* საპროექტო წინადადება უნდა მოიცავდეს იმ აქტივობას/აქტივობებს, რომელიც განხორციელდება კონკურსით გათვალისწინებული ჯილდოს თანხობრივი ოდენობით (ბიუჯეტი ასევე უნდა ასახავდეს იმ აქტივობებს, რომლებიც ფულად რესურსს არ საჭიროებს). პროექტის ატივობების განხორციელების ვადა არ უნდა აღემატებოდეს 1 წელს.

პროექტის შეფასების კრიტერიუმები:

წარმოდგენილი პროექტი უნდა უკავშირდებოდეს პროგრამით გათვალისწინებული 7 ბუნებრივი საფრთხიდან მუნიციპალიტეტისთვის პრობლემურ მინიმუმ ერთ გამოწვევას;

პროექტი უნდა ასახავდეს კატასტროფის რისკის მართვის მზაობის კომპონენტს;
პროექტი უნდა მოიცავდეს გრძელვადიან და მოკლევადიან აქტივობებს;

მნიშვნელოვანია, პროექტში იკვეთებოდეს კავშირები კატასტროფის მართვის ფაზებს შორის; (მაგალითად, თუ მზაობის ფაზა ითვალისწინებს გარკვეული ტექნიკური აღჭურვილობის შეძენას, აუცილებელია გაიწეროს მისი გამოყენებისა და სწავლების კომპონენტიც, შესაბამისად რეაგირების ფაზაში სამიზნე ჯგუფს ექნება აღჭურვილობა და ეცოდინება მისი გამოყენება)

პროექტი აუცილებლად უნდა ითვალისწინებდეს ადგილობრივი მოსახლეობისთვის ბუნებრივი საფრთხეებით გამოწვეული კატასტროფ(ებ)ის შესახებ განათლების ხელშეწყობის და ცნობიერების ამაღლების კომპონენტს

სასურველია, ინიცირებული და განხორციელებული პროექტი უზრუნველყოფდეს თემის შიგნით ინსტიტუციებს შორის კავშირებს (მაგ. სკოლებსა და თვითმმართველობას შორის, სკოლებსა და თემზე დაფუძნებულ ორგანიზაციებს შორის)

მნიშვნელოვანია ურთიერთანამშრომლობაზე დაფუძნებული ჩართულობა თემის წარმომადგენლების და ადგილობრივი თვითმმართველობის მხრიდან პროექტის მდგრადობის უზრუნველსაყოფად

პროექტში მოწყვლადი ჯგუფებისა და სხვადასხვა დაინტერესებული მხარის ჩართულობა ჩაითვლება უპირატესობად

კონკურსი გაიმართება 2 ეტაპად:

I ეტაპი – განაცხადების შერჩევა

II ეტაპი – საპროექტო წინადადების პრეზენტაცია

ორივე ეტაპის შედეგების მიხედვით სპეციალური კომისია გამოავლენს 2 ფინალისტს. გამარჯვებულ სკოლას გადაეცემა 1200 აშშ დოლარი, ხოლო მეორე ადგილზე გასულ სკოლას 800 აშშ დოლარი.

საპროექტო განაცხადი წარმოდგენილი უნდა იქნას სკოლის დირექტორის მიერ.

კონკურსში მონაწილეობისათვის, გთხოვთ, ელექტრონულად შეავსოთ განაცხადის ფორმა (WORD-ის ფორმატში).

საკონკურსო პროექტების გამოგზავნა შესაძლებელია შემდეგ ელ. ფოსტაზე: info@eiec.gov.ge

განაცხადების მიღების ბოლო ვადაა 2021 წლის 5 ნოემბერი.

დამატებითი ინფორმაციისათვის გარემოსდაცვითი ინფორმაციისა და განატლების ცენტრის მხირდან საკონტაქტო პირია პროექტის კოორდინატორი თამარ შერვაშიძე (ელ.ფოსტა: tamar.shervashidze@eiec.gov.ge,მობ: 595958825) ან ეწევიეთ ვებ გვერდს

სოლიდარობის მუზეუმი და ყოველდღიური საქართველო გიწვევთ ბლოგების კონკურსში მონაწილეობის მისაღებად.

სოლიდარობის მუზეუმის მიზანია საქართველოს არადომინანტური ეთნიკური და რელიგიური ჯგუფების ორგანიზება, მათი უფლებრივი და ეკონომიკური მდგომარეობის გაუმჯობესება. ასევე სამოქალაქო იდენტობის იდეის გავრცელება, არადომინანტური ჯგუფების კულტურული მემკვიდრეობის აღიარებისა და შენარჩუნების გზით (http://www.facebook.com/SolidarityMuseum)

ყოველდღიური საქართველო - არის ფეისბუქ გვერდი, რომლის მიზანი საქართველოს აზერბაიჯანულენოვანი მოქალაქეების ინფორმაციით უზრუნველყოფაა. ყოველდღიურად აზერბაიჯანულ ენაზე მნიშვნელოვან პოლიტიკურ, ეკონომიკურ, სოციალურ, მათ შორის ჯანდაცვის საკითხებზე იპოსტება მოკლე ინფორმაცია (http://www.facebook.com/gundelikgurcustan)

სოლიდარობის მუზეუმი და ყოველდღიური საქართველო ერთობლივად აწარმოებენ მედია კამპანიას ქვემო ქართლისა და კახეთის მხარეებში მცხოვრები აზერბაიჯანულენოვანი მოქალაქეებისათვის ვაქცინაციის აუცილებლობის შესახებ. მედია კამპანიის ფარგლებში იგეგმება ერთჯერადი საინფორმაციო გაზეთის გამოცემა, რომელიც გააერთიანებს ვაქცინაციის შესახებ სანდო და საჭირო ინფორმაციას. კონკურსში გამარჯვებული ბლოგები გამოიცემა აღნიშნულ გაზეთში, რომელსაც საველე სამუშაოების დროს პროექტის გუნდი გაავრცელებს ქვემო ქართლისა და კახეთის მხარეებში.

პროექტის აქტივობები სრულდება რეგიონული პროექტის "COVID-19: სამოქალაქო საზოგადოების მოქნილობა და მდგრადობა" ფარგლებში, რომელსაც ERIM (Equal Rights & Independent Media - ყოფილი IREX Europe) და თბილისის ადამიანის უფლებათა სახლი (HRHT), ევროკავშირის დაფინანსებით ახორციელებს. პროექტი მიზნად ისახავს ხელი შეუწყოს COVID-19-ის პანდემიის განმავლობაში და მის შემდეგ სამოქალაქო საზოგადოების ორგანიზაციებს, დამოუკიდებელ აქტივისტების და დამოუკიდებელ მედიას."

კონკურსში შემოტანილი ბლოგი არ უნდა აღემატებოდეს 500 სიტყვას. გაზეთის სამიზნე აუდიტორიაა საქართველოს აზერბაიჯანულენოვანი მოქალაქეები. ბლოგი უნდა იყოს ქართულ ან აზერბაიჯანულ ენაზე.

საკონკურსო ბლოგების წარდგენის ბოლო ვადაა 2021 წლის 25 ნოემბერი (18:00 სთ).

კითხვები და ბლოგები უნდა გამოიგზავნოს შემდეგ მისამართზე: solidaritymuseum@gmail.com და წერილის თემაში მიუთითეთ "ბლოგის კონკურსი".

წარმატებას გისურვებთ!

თბილისის მეექვსე საერთაშორისო ლიტერატურულ ფესტივალი მოხალისეებად იწვევს ინგლისური ენის მცოდნე ახალგაზრდებს. მოხალისეები ფესტივალის საორგანიზაციო გუნდთან ერთად კოორდინირებას გაუწევენ ღონისძიებებს, ჩართული იქნებიან ფესტივალის საორგანიზაციო საქმეებში, მათ ასევე მოუწევთ უცხოელი მწერლების მეგზურობა, სოციალური ქსელებისა და ვებ-გვერდის მართვა.

უცხო ენების ცოდნასთან ერთად საოციალური ქსელებისა და ვებ-გვერდების მართვის გამოცდილება ჩაითვლება უპირატესობად.

მოხალისეობრივი სამუშაო ანაზღაურებადია.

შეგახსენებთ, რომ თბილისის საერთაშორისო ლიტერატურული ფესტივალი 17-24 ოქტომბერს უკვეე მეექვსედ გაიმართება.

წლევანდელი ფესტივალი UNESCO-ს პროექტის "თბილისი - წიგნის მსოფლიო დედაქალაქი" ფარგლებში ჩატარდება.

ფესტივალი უმასპინძლებს ქართველ და უცხოელ ავტორებს და მრავალფეროვან პროგრამას შესთავაზებს ლიტერატურის მოყვარულებს. ღონისძიებები მწერალთა სახლში პანდემიასთან დაკავშირებული რეგულაციებისა და უსაფრთხოების ზომების დაცვით გაიმართება.

ფესტივალის მთავარი მხარდამჭერები არიან საქართველოს კულტურის, სპორტისა და ახალგაზრდობის სამინისტრო, პროექტი "თბილისი - წიგნის მსოფლიო დედაქალაქი", თბილისის მერია და ამერიკის საელჩო საქართველოში.

ფესტივალის სამუშაო დღეებია : 14 -25 ოქტომბერი

განაცხადების მიღების ბოლო ვადა: 10.10.21

გთხოვთ გამოგზავნეთ რეზიუმე (CV) შემდეგ მეილებზე: pr@writershouse.ge, ngambashidze@writershouse.ge

სათაურის ველში მიუთითეთ: მოხალისეები 2021

განვიხილავთ მხოლოდ სრულად ვაქცინირებული აპლიკანტების განაცხადებს.

"ფონდი ტასო", "თანასწორობის ფონდის" ფინანსური მხარდაჭერით, და თანამშრომლობით "ქალთა ფონდთან საქართველოში", ახორციელებს 2-წლიან პროგრამას ქალთა და გოგონათა საზოგადოებრივი აქტივიზმის ხელშესაწყობად და აცხადებს კონკურსს ადგილობრივი ორგანიზაციებისა და საინიციატივო ჯგუფების საქმიანობის მხარდასაჭერად.

კონკურსის მიზნები:

** დემოკრატიის, სოციალური სამართლიანობისა და მშვიდობის მშენებლობისკენ მიმართული სათემო აქტივიზმის ხელშეწყობა;
** ქალთა საკითხებზე მომუშავე ადგილობრივი ჯგუფებისა და ორგანიზაციების ინსტიტუციური გაძლიერება და მათი საქმიანობის მედეგობის მხარდაჭერა;
** ადგილობრივ დონეზე მოხალისეობის კულტურის დანერგვა-მხარდაჭერა;
** ქალთა მოძრაობის გასაძლიერებლად მიმართული საქმიანობის, მათ შორის ქალთა ორგანიზაციების, ჯგუფებისა და აქტივისტების ურთიერთთანამშრომლობის მხარდაჭერა.

მონაწილეობის პირობები:

** კონკურსში მონაწილეობის მიღება შეუძლიათ საქართველოს რეგიონებში ქალთა უფლებებზე მომუშავე მოქმედ საინიციატივო ჯგუფებს და სათემო ორგანიზაციებს.
** საკონკურსო პროექტები უნდა შემუშავდეს დართული განაცხადის ფორმისა და ამ დოკუმენტის (კონკურსის გამოცხადება და მონაწილეობის პირობები) მოთხოვნათა სრული დაცვით.

დაფინანსების შესახებ გადაწყვეტილების მიღებისას გათვალისწინებულ იქნება:

** დემოკრატიის, სოციალური სამართლიანობისა და მშვიდობის მშენებლობისკენ მიმართული სათემო აქტივიზმის ხელშეწყობისკენ მიმართული საქმიანობა;
** ადამიანური რესურსი ორგანიზაციაში/საინიციატივო ჯგუფში, არსებული ინიციატივები და მზადყოფნა სამოქმედოდ სასიკეთო ცვლილებებისთვის;
** შედეგის მისაღწევად მიმართული დამაჯერებელი დაგეგმარება საკონკურსო პროექტში.

გთხოვთ გაითვალისწინოთ, რომ:

** მოთხოვნილი თანხა არ უნდა აღემატებოდეს: ორგანიზაციებისთვის - 15 000 ლარს; ხოლო საინიციატივო ჯგუფებისთვის - 10 000 ლარს.

დამატებითი დაფინანსების ან/და საკუთარი წვლილის შემთხვევაში, გთხოვთ მიუთითოთ წყარო (საკონტაქტო ინფორმაციით).

** პროექტების განხორციელების ვადა - მაქსიმუმ 9 თვე.
** საკონტაქტო ტელეფონები პროექტის მონაწილეთა საკონსულტაციოდ: ნინო ასათაშვილი - 588 884576, ეკატერინე წურწუმია - 577 994237.
** განაცხადი & დანართები "ფონდს ტასო" ელვერსიის სახით ეგზავნება მისამართებზე: eka@taso.org.ge ; nino110a@gmail.com
.
სამუშაო გეგმა: კონკურსის გამოცხადება: 25 იანვარი, 2022

განმცხადებელთა ინდივიდუალური (სატელეფონო) და ჯგუფური ("ზუმის" სივრცეში) კონსულტირება: 2022 წლის, 7 თებერვალი, 2 საათზე. შეხვედრის ლინკი - https://us02web.zoom.us/j/9672273892

საკონკურსო პროექტების "ფონდში ტასო" ჩაბარების საბოლოო ვადა: 18 თებერვალი, 2022

"ფონდი ტასო", "თანასწორობის ფონდის" ფინანსური მხარდაჭერით, და თანამშრომლობით "ქალთა ფონდთან საქართველოში", ახორციელებს 2-წლიან პროგრამას ქალთა და გოგონათა საზოგადოებრივი აქტივიზმის ხელშესაწყობად და აცხადებს კონკურსს: სათემო ფონდების ფილანთროპიული საქმიანობის მხარდაჭერა.

კონკურსის მიზნები:

** საზოგადოებრივად მნიშვნელოვანი ინიციატივების განხორციელების ხელშეწყობა სოფლად;
** სათემო ფონდის საქმიანობის მედეგობის მხარდაჭერა;
** სათემო ფილანთროპიის განვითარება საქართველოში;
** სამოქალაქო საზოგადოების მშენებლობა თემში.

მონაწილეობის პირობები:

** კონკურსში მონაწილეობის მიღება შეუძლიათ საქართველოს რეგიონებში ქალთა ლიდერობით მოქმედ სამოქალაქო საზოგადოების ორგანიზაციებს, რომელთაც გაცხადებული აქვთ გრანტგაცემა, როგორც ორგანიზაციის საქმიანობის ერთ-ერთი ფორმა; მიუხედავად იმისა, აქვს თუ არა ორგანიზაციას ფილანთროპიული საქმიანობის გამოცდილება წარსულში.
** განმცხადებელი სათემო ფონდი სასურველია ჩაერთოს კონკურსის მონაწილეთა კონსულტირების პროცესში (იხ. ქვევით);
** მხარდაჭერილი სათემო ფონდი ფილანთროპიულ საქმიანობას "ფონდთან ტასო" თანამშრომლობით განახორციელებს: კოორდინაცია, ტექნიკური დახმარება და მონიტორინგი;
** საკონკურსო პროექტები უნდა შემუშავდეს დართული განაცხადის ფორმისა და ამ დოკუმენტის (კონკურსის გამოცხადება და მონაწილეობის პირობები) მოთხოვნათა სრული დაცვით.

დაფინანსების შესახებ გადაწყვეტილების მიღებისას გათვალისწინებულ იქნება:

** ცოდნა სამიზნე თემის (თემთა) კონტექსტის შესახებ;
** ადამიანური რესურსი თემში, ინიციატივები და მზადყოფნა სამოქმედოდ;
** შედეგის მისაღწევად მიმართული დამაჯერებელი დაგეგმარება საკონკურსო პროექტში;
** საკონკურსო პროექტში მითითებულ რეკომენდატორთან გასაუბრების შედეგი.

გთხოვთ გაითვალისწინოთ, რომ:

** წარმოდგენილი პროექტების დასაფინანსებლად "ფონდისგან ტასო" მოთხოვნილი თანხა არ უნდა აღემატებოდეს 18 000 ლარს;
** თუ პროექტის ღირებულება აღემატება "ფონდისგან ტასო" მოთხოვნილ თანხას, გთხოვთ განაცხადში მიუთითოთ თანადაფინანსების წყარო და შესაბამისი საკონტაქტო ინფორმაცია.
** საკონტაქტო ტელეფონები პროექტის მონაწილეთა საკონსულტაციოდ: მარინა თაბუკაშვილი: 595 424279; ეკატერინე წურწუმია: 577 994237;
** საკონკურსო პროექტი, დანართებითურთ, "ფონდს ტასო" ელ. ვერსიის სახით ეგზავნება მისამართებზე eka@taso.org.ge; Nino110a@gmail.com

კონკურსის გამოცხადება: 14 იანვარი, 2022

განმცხადებელთა ინდივიდუალური კონსულტირება (სატელეფონო, ყოველდღე, უქმეების გარდა - სამუშაო საათებში): 17 იანვარი - 11 თებერვალი, 2022;
ჯგუფური კონსულტაციები მოცემულ Zoom ბმულზე: 21 იანვარს 2 საათზე -https://us02web.zoom.us/j/9672273892 და 3 თებერვალს, 2 საათზე - https://us02web.zoom.us/j/9672273892.

საკონკურსო პროექტების "ფონდში ტასო" ჩაბარების საბოლოო ვადა: 11 თებერვალი, 2022

ა(ა)იპ "ახალგაზრდა ადვოკატები" (http://www.barristers.ge) წარმოადგენს იურიდიულ პროფესიაში მოქმედ ცნობილ არასამთავრობო ორგანიზაციას და მისი საქმიანობის პლათფორმა ეფუძნება აღმასრულებელ გუნდის პერიოდულ განახლებას კვალიფიციური და პროფესიონალი ახალგაზრდების მეშვეობით. ორგანიზაციის აღმასრულებელ გუნდში სხვადასხვა დროს მოღვაწე პირები დღეს წარმატებით აგრძელებენ საქმიანობას აღმასრულებელ, საკანონმდებლო და სასამართლო ხელისუფლებაში, კერძო სექტორში, ბიზნესში, ადამიანის უფლებათა სფეროში, საერთაშორისო ორგანიზაციებში. პლათფორმის მიზანიც იმ ცოდნის და გამოცდილების გაზიარებაა, რომელიც ორგანიზაციის საქმიანობას და საუკეთესო ტრადიციებს შეუძლია. აღმასრულებელი გუნდის განახლება მუდმივად ეფუძნება ღია, გამჭვირვალე და მიუკერძოებელ კონკურსის შედეგებს. შესაბამისად, ორგანიზაციის აღმასრულებელ გუნდში მოხვედრა თითოეული კანდიდატის გამოწვევაა, რასაც მუდმივად მოწმობს ყოველი კონკურსის დროს რეგისტრირებულ აპლიკანტთა სიმრავლე.

ორგანიზაცია საგრანტო პროექტის ფარგლებში, აცხადებს კონკურსს იურისტ-კონსულტანტის პოზიციაზე. კონკურსში მონაწილეობის მიღება შეუძლია იურიდიული ფაკულტეტის ბაკალავრიატის საფეხურის სტუდენტებს. შერჩეული კანდიდატი მონაწილეობას მიიღებს, როგორც პროექტის განხორციელებაში, ასევე ორგანიზაციის საერთო საქმიანობის პროცესში. შერჩეულ აპლიკანტთან გაფორმდება შრომითი ხელშეკრულება (სტაჟირების ხელშეკრულება) 6 თვის ვადით და შრომით-სამართლებრივი ურთიერთობა ანაზღაურდება საგრანტო პროექტის ფარგლებში.

დასახელება: იურისტ-კონსულტანტი (სტაჟირება პროექტის ფარგლებში)
ადგილმდებარეობა: თბილისი
სტაჟირების ხანგრძლივობა: 6 თვე

ორგანიზაცია, როგორც ყოველთვის, შერჩევის პროცესში, ყურადღებას დაუთმობს კანდიდატის ა) განათლებას და ცოდნას, ბ) ანალიტიკურ აზროვნებას, გ) პიროვნულ უნარ-ჩვევებსა და დ) პროფესიულ შესაძლებლობებს.

ორგანიზაცია აქცენტს აკეთებს პროფესიონალიზმზე. ამიტომაც, მოცემულ ეტაპზეც შეარჩევს ისეთ ახალგაზრდებს, რომლებიც ფლობენ არასამთავრობო ორგანიზაციის საქმიანობისთვის საჭირო პროფესიულ და პიროვნულ უნარ-ჩვევებს, სამართლებრივი პოლიტიკის ანალიზს, საჯარო დებატების კულტურას და გამოცდილებას, კვლევითი საქმიანობის უნარებს, კანონშემოქმედებითი საქმიანობის ექსპერტიზას და საზოგადოებასთან ურთიერთობის ეფექტურ საკომუნიკაციო შესაძლებლობებს. ეს პირობა არ არის ფორმალური ხასიათის და გამომდინარეობს ორგანიზაციის პოლიტიკიდან.

შეარჩევს მხოლოდ ისეთ ახალგაზრდებს, რომლებიც დააკმაყოფილებენ ორგანიზაციის სამუშაო გარემოსთვის დადგენილ წესებს, სტანდარტებს, მიდგომებსა და შესაბამისობაში აღმოჩნდებიან ორგანიზაციის საქმიანობის მიზნებისა და ამოცანების განხორციელებასთან.

ორგანიზაციის აღმასრულებელი გუნდის წევრის მიმართ წარდგენილი აუცილებელი შერჩევის მოთხოვნებიდან გამომდინარე, კონკურსი მოიცავს შემდეგ ეტაპებს:

** პირველ ეტაპზე, შეფასდება შემოსული აპლიკაცია;
** მეორე ეტაპზე ორგანიზაცია გასაუბრებაზე დაუკავშირდება მხოლოდ დამაჯერებელი შესაძლებლობის, აქტიური და საინტერესო Cv-ის ავტორს;
** მესამე ეტაპზე კანდიდატთან მოხდება გასაუბრება;
** მეოთხე ეტაპზე ორგანიზაცია გამოავლენს მესამე და მეოთხე ეტაპის შედეგების მიხედვით შერჩეულ კანდიდატებს.

შენიშნვა: გასაუბრების ეტაპი შედგება უშუალოდ და დაცული იქნება პანდემიით გამოწვეული უსაფრთხოების ზომები.
შესაძლებელია, კანდიდატს გასაუბრების მიზნებისთვის მოეთხოვოს ვაქცინაციის შესახებ ინფორმაციის წარმოდგენა.

საქმიანობა, რომელსაც გუნდის წევრი განახორციელებს:

** ორგანიზაციის სტრატეგიულ სამართალწამოებაში მონაწილეობა;
** ორგანიზაციის პროექტში უცხოენოვანი კლიენტების ინტერესების დაცვა;
** უცხოენოვანი მასალის გაცნობა, თარგმნა და ანალიზი;
** ორგანიზაციის სხვა საპროექტო საქმიანობაში ჩართვა და თანამონაწილეობა;
** სამართლის, საზოგადოების, პოლიტიკისა და ადამიანის უფლებების დაცვის სფეროში მიმდინარე საკითხების ანალიზი;
** კანონშემოქმედებით საქმიანობაში მონაწილეობა;
** მედიასთან ურთიერთობა, სიახლეების მენეჯმენტის უზრუნველყოფა;
** რეკომენდაციების, მიმართვების, განცხადებების დამოუკიდებლად მომზადება;
** ორგანიზაციის სამოქალაქო კამპანიებსა და დაგეგმილ აქციებში მონაწილეობა;
** ორგანიზაციის სახელით, საჯარო და კერძო სტრუქტურებთან ურთიერთობა
** ორგანიზაციის საქმიანობის წარმოჩენა;
** ორგანიზაციის სახელით, საქმიან შეხვედრებში მონაწილეობა;

პროფესიული კომპეტენცია, რომლის ცოდნაც მოეთხოვება კანდიდატს:

** საქართველოს კონსტიტუცია;
** საქართველოს სამოქალქო კოდექსი;
** საქართველოს სამოქალაქო საპროცესო კოდექსი;
** საქართველოს ზოგადი ადმინისტრაციული კოდექსი;
** საქართველოს ადმინისტრაციულ საპროცესო კოდექსი;
** ბავშვთა საერთაშორისო გატაცების სამოქალაქო ასპექტების შესახებ 1980 წლის ჰააგის კონვენცია (სავალდებულოა)
** ბავშვის უფლებათა კოდექსი.

პრაქტიკული კომპეტენცია, ცოდნა და უნარ-ჩვევები, რომელიც განსაზღვრავს კანდიდატის შეფასების ფარგლებს

** ორგანიზაციის საქმიანობის, სტრატეგიისა და საზოგადოებრივი ფუნქციის სიღრმისეული გააზრება;
** მოტივირებული და ინიციატივიანი ახალგაზრდა, რომელსაც შეუძლია ეფექტურად მუშაობა, როგორც გუნდთან და ხელმძღვანელთან ერთად, ისე დამოუკიდებლად;
** კომუნიკაბელური, ორგანიზებული და დეტალებზე ორიენტირებული;
** ქართულ ენაზე სტილისტური, გრამატიკული და სხვა სახის შეცდომების გარეშე წერის უნარი (მნიშვნელოვანი პირობა);
** თავისუფლების მაღალი ხარისხი და პოლიტიკური მიუმხრობლობა;
** გავლენის ჯგუფებისგან დისტანცირება (მნიშვნელოვანი პირობა);
** კომუნიკაბელურობა, ექსტრემალურ სიტუაციებში მუშაობის უნარი;
** პროფესიული სტრესის მართვის უნარი;
** გუნდური მუშაობის უნარი, გულწრფელობის მაღალი ხარისხი;
** განსხვავებული აზრის პატივისცემის უნარი;
** კოლეგის განსხვავებული აზრის მიმართ პატივისცემა;
** შედეგზე ორიენტირება და ანალიზი;
** დისციპლინის პატივისცემა და თვითორგანიზება;
** კრეატიული და ორგანიზატორული უნარ-ჩვევები;
** ქართული და ინგლისური ენების სრულყოფილი ცოდნა (ინგლისური ენის ცოდნა B2, სასურველია რუსული ენის საკომუნიკაციო დონეზე ცოდნა);
** კომპიუტერული პროგრამების (MS Office: Word, Excel; PowerPoint; Internet) სრულყოფილი ცოდნა.

კანდიდატი შეირჩევა შემდეგი მოთხოვნების მიხედვით:

განათლება: უმაღლესი საგანმანათლებლო დაწესებულების იურიდიული მიმართულების II, III, IV საფეხურის სტუდენტები.

კონკურში მონაწილეობის მსურველებმა უნდა წარმოადგინონ შემდეგი დოკუმენტები:

** CV (მიუთითეთ საკონტაქტო ინფორმაცია, ელექტრონული ფოსტის მისამართი, ფაქტობრივი მისამართი, ტელეფონი, ფოტოსურათი);
** სარეკომენდაციო წერილი (სასურველია, ან მითითება CV ფორმატში არსებული რეკომენდატორისა და მისი საკონტაქტო ინფორმაციის შესახებ);

განსაკუთრებული აღნიშვნა:

გთხოვთ, გამოგვიგზავნოთ მხოლოდ ქართულენოვანი Cv შემდეგ მისამართზე: vakanciayb@gmail.com და სათაურში მიუთითეთ სიტყვა: "სტაჟირება".

ორგანიზაცია მკაცრად იცავს კანდიდატის შერჩევის დროს შემდეგ პირობებს:

** უპირატესობა მიენიჭება კანდიდატებს, რომლებიც იცნობენ ორგანიზაციის საქმიანობას;
** საერთოდ არ განიხილება არასრულად წარმოდგენილი განცხადებები;
** გასაუბრებაზე დავუკავშირდებით მხოლოდ დამაჯერებელი შესაძლებლობის, აქტიური და საინტერესო Cv-ის ავტორს,
** არ დავუკავშირდებით კანდიდატს, რომელიც არ დაიცავს რეზიუმეს გადმოგზავნის დადგენილ წესს;
** არ დავუკავშირდებით პირს, რომელიც კანდიდატის სტატუსით წარსულში მონაწილეობდა სტაჟირების პროგრამაში, მასთან ჩატარდა გასაუბრება და ორგანიზაციის მიერ არ მოხდა შერჩევა;
** არ დავუკავშირდებით პირს, რომელიც საქმიანობს სხვა იურიდიულ ფირმასა თუ სამოქალაქო ორგანიზაციაში

გაეროს ადამიანის უფლებათა უმაღლესი კომისრის ოფისი (UN OHCHR) სამხრეთ კავკასიაში დამწყები და პროფესიონალი დიზაინერებისთვის აცხადებს პოსტერების კონკურსს თემაზე –  იცოდე შენი უფლებები.

კონკურსის გამარჯვებულები დაჯილდოვდებიან ტექნიკის მაღაზიის სასაჩუქრე ბარათებით:

I 5000 ლარი
II 3,500 ლარი
III 2000 ლარი
 
ნამუშევრების გაგზავნის ბოლო ვადაა: 20 ნოემბერი, 2021 წელი

კონკურსის პირობების შესახებ დეტალურ ინფორმაციას გაეცანით ბმულზე